చీపురుపల్లిలో మండల పరిషత్ అధ్యక్షురాలిగా దన్నాన పద్మావతి ఎన్నిక.. ప్రజాప్రతినిధిగా ప్రమాణ స్వీకారం చేసిన కోట్ల కృష్ణ

చీపురుపల్లి, నవంబర్ 19:

చీపురుపల్లి మండల పరిషత్ కార్యాలయంలో గురువారం నిర్వహించిన ప్రమాణ స్వీకార కార్యక్రమం సందర్భంగా చీపురుపల్లి మండల పరిషత్ అధ్యక్షురాలిగా శ్రీమతి దన్నాన పద్మావతి ఎన్నికయ్యారు.

అదేవిధంగా చీపురుపల్లి పట్టణం MPTC-6 సభ్యుడిగా జనసేన పార్టీ తరఫున ఎన్నికైన కోట్ల కృష్ణ అధికారికంగా ప్రజాప్రతినిధిగా ప్రమాణ స్వీకారం చేశారు.

ఈ సందర్భంగా కోట్ల కృష్ణ మాట్లాడుతూ తనపై నమ్మకం ఉంచి ఎన్నికల్లో విజయాన్ని అందించిన ప్రజలకు కృతజ్ఞతలు తెలిపారు. ప్రజల సమస్యలను తన సమస్యలుగా భావించి, ఎల్లప్పుడూ ప్రజలకు అందుబాటులో ఉంటూ చీపురుపల్లి పట్టణం MPTC-6 పరిధిలో అభివృద్ధి కార్యక్రమాల కోసం కృషి చేస్తానని తెలిపారు.

రాజకీయాలకు అతీతంగా ప్రజా సమస్యల పరిష్కారానికి ప్రాధాన్యతనిస్తూ, ప్రజల ఆకాంక్షలకు అనుగుణంగా తన పదవీ బాధ్యతలను నిర్వహిస్తానని పేర్కొన్నారు. తనతో పాటు ప్రమాణ స్వీకారం చేసిన సభ్యులందరికీ శుభాకాంక్షలు తెలియజేశారు.

ప్రజాప్రతినిధిగా కొత్త బాధ్యతలు చేపట్టిన కోట్ల కృష్ణకు పలువురు నాయకులు, కార్యకర్తలు, అభిమానులు శుభాకాంక్షలు తెలియజేశారు.


– THE 9 NEWS TELUGU

Spread the love

స్పందించండి

మీ ఈమెయిలు చిరునామా ప్రచురించబడదు. తప్పనిసరి ఖాళీలు *‌తో గుర్తించబడ్డాయి