పవనిజం స్ఫూర్తితో ప్రజాసేవకు జనసేన అడుగులు.. సాలూరులో మెగా వైద్య శిబిరం! ప్రజారోగ్యమే ప్రథమ లక్ష్యం.. మీసాల సతీష్ చొరవకు మాతృభూమి సేవా సంఘం, క్వీన్స్ ఎన్‌ఆర్‌ఐ హాస్పిటల్స్ సహకారం సాలూరు: ప్రజలకు వైద్య సేవలను చేరువ చేయాలనే సంకల్పంతో జనసేన పార్టీ ఆధ్వర్యంలో సాలూరులో ఉచిత మెగా వైద్య శిబిరాన్ని నిర్వహించారు. అక్టోబర్ 11న వరల్డ్ పవనిజం డే సందర్భంగా జనసేన పదో వార్డు నాయకుడు మీసాల సతీష్ చొరవతో మాతృభూమి సేవా సంఘం, రామభద్రపురంలోని క్వీన్స్ ఎన్‌ఆర్‌ఐ హాస్పిటల్స్ సహకారంతో ఈ కార్యక్రమాన్ని చేపట్టారు. ఈ శిబిరంలో 350 మందికి పైగా ప్రజలు వైద్య పరీక్షలు చేయించుకున్నారు. పవన్ కళ్యాణ్ ఆశయాలు, పవనిజం స్ఫూర్తితో ప్రజాసేవా కార్యక్రమాలను విస్తరించాలనే లక్ష్యంతో శిబిరాన్ని ఏర్పాటు చేసినట్లు నిర్వాహకులు తెలిపారు. స్థానిక ప్రజల ఆరోగ్య అవసరాలను దృష్టిలో ఉంచుకుని వివిధ వైద్య విభాగాల సేవలను ఒకే వేదికపై అందుబాటులోకి తీసుకురావడం ఈ కార్యక్రమం ముఖ్య ఉద్దేశమని పేర్కొన్నారు. పలు విభాగాల్లో వైద్య సేవలు క్వీన్స్ ఎన్‌ఆర్‌ఐ హాస్పిటల్స్ వైద్య బృందం ఆధ్వర్యంలో జనరల్ మెడిసిన్, కార్డియాలజీ, ఆర్థోపెడిక్స్, జనరల్ సర్జరీ, గైనకాలజీ, యూరాలజీ, గ్యాస్ట్రోఎంటరాలజీ, న్యూరాలజీ, న్యూరో సర్జరీ, నెఫ్రాలజీ, డెర్మటాలజీ, చెవి-ముక్కు-గొంతు వైద్యం, పీడియాట్రిక్స్, సైకియాట్రీ తదితర విభాగాల్లో వైద్య సేవలు అందించారు. డాక్టర్ త్రిశంక్, డాక్టర్ వెంకటేష్‌తో పాటు నర్సింగ్ సిబ్బంది సేవలందించగా, ఆసుపత్రి మార్కెటింగ్ విభాగం ప్రతినిధి సత్యనారాయణ పాల్గొన్నారు. మాతృభూమి సేవా సంఘం అధ్యక్షుడు ఇప్పలవలస గోపాలరావు మాట్లాడుతూ, ప్రజల ఆరోగ్య పరిరక్షణకు ప్రాధాన్యమిస్తూ ఇలాంటి కార్యక్రమాలు చేపట్టడం అభినందనీయమన్నారు. స్వచ్ఛంద సంస్థలు, రాజకీయ నాయకులు సమన్వయంతో పనిచేస్తే ప్రజలకు మరిన్ని సేవలను అందించవచ్చని పేర్కొన్నారు. ఈ సందర్భంగా మీసాల సతీష్ మాట్లాడుతూ, ప్రజలకు ఉపయోగపడే సేవా కార్యక్రమాలను నిరంతరం కొనసాగిస్తామని, స్థానిక అభివృద్ధికి తన వంతు కృషి చేస్తానని తెలిపారు. వైద్య శిబిరానికి సహకరించిన ఆసుపత్రి యాజమాన్యం, మాతృభూమి సేవా సంఘం ప్రతినిధులు, జనసేన నాయకులు, కార్యకర్తలకు కృతజ్ఞతలు తెలిపారు. జనసేన, సేవా సంస్థల ప్రతినిధుల హాజరు ఈ కార్యక్రమంలో జనసేన కోఆర్డినేషన్ కమిటీ నాయకులు జి.టి. నాయుడు, మీసాల నవీన్, మురళీమోహన్ చారి, మండల అధ్యక్షుడు శివకృష్ణ, మరిపి రవి, బోను హేమంత్, శ్రావణ్ కుమార్, బాలి మోహన్, మంత్రి ధనుంజయ, కలిశెట్టి దుర్గారావు, చింతగడ చంటి, సుశాంత్ పాడి, జరజాపు శ్రీకాంత్, బాలి జితేంద్ర, గంట ప్రవీణ్ కుమార్, మన్మధ ఫణిగ్రహి, మేడిశెట్టి ధర్మ, కాగన నాగరాజు, భీమవరపు రాజు, వైద్యరాజు నాగరాజు, ఎల్. గౌరిబాబు, బాలి జగన్, మేడిశెట్టి అప్పారావు, పి. కొనవలస, జనసేన వీర మహిళ పెందుర్తి నీలవేణి తదితరులు పాల్గొన్నారు. మాతృభూమి సేవా సంఘం ప్రతినిధులు ఇప్పలవలస గోపాలరావు, హరి మహేష్, కటారి ఈశ్వర్, గిరిజ, ఎం. జయ, శ్రీరామ ఫౌండేషన్ అధ్యక్షుడు శివలెంక ప్రసాద్ హాజరయ్యారు. వాయిస్ ట్రస్ట్ అధ్యక్షుడు బెవర నాగార్జున, ప్రతినిధులు శ్రావణ్ కుమార్, పైల భవానీ శంకర్, చింత రామకృష్ణ తదితరులు పాల్గొన్నారు. ప్రజారోగ్య పరిరక్షణతో పాటు స్థానిక ప్రజల సంక్షేమానికి ప్రాధాన్యమిస్తూ, వివిధ సంస్థల సహకారంతో భవిష్యత్తులోనూ మరిన్ని సేవా కార్యక్రమాలను నిర్వహిస్తామని నిర్వాహకులు తెలిపారు. Spread the love టపా నావిగేషన్ సాలూరులో ఒరియా పాఠశాలకు విద్యార్థుల కరువు.. బడి బలోపేతంపై కార్యాచరణ ఏదీ?
