సాలూరు మున్సిపల్ పీఠంపై జనసేన గురి.. డాక్టర్ వాసంతి పేరు తెరపైకి! బీసీ మహిళ రిజర్వేషన్‌తో రాజకీయ అరంగేట్రంపై ఆసక్తికర చర్చ.. జనసేన తరఫున బరిలోకి దిగుతారా? సాలూరు: సాలూరు మున్సిపల్ చైర్‌పర్సన్ పదవి బీసీ మహిళకు రిజర్వు కావడంతో పట్టణ రాజకీయాల్లో కొత్త సమీకరణాలు తెరపైకి వస్తున్నాయి. ఈ నేపథ్యంలో జనసేన పార్టీ తరఫున చైర్‌పర్సన్ అభ్యర్థిగా కిలపర్తి వాసంతి పేరు వినిపిస్తుండటం స్థానిక రాజకీయ వర్గాల్లో చర్చనీయాంశంగా మారింది. నాలామాటి అశోక్ కుమార్ భార్య అయిన కిలపర్తి వాసంతి రాజకీయాల్లోకి అడుగుపెట్టి ప్రజలకు సేవ చేయాలనే ఆసక్తితో ఉన్నట్లు సమాచారం. అశోక్ కుమార్ జనసేన పార్టీలో కొనసాగుతుండటంతో, వాసంతి కూడా ఆ పార్టీ తరఫున మున్సిపల్ చైర్‌పర్సన్ బరిలో నిలిచే అంశంపై చర్చ జరుగుతోంది. అయితే ఆమె అభ్యర్థిత్వంపై పార్టీ అధికారిక ప్రకటన వెలువడాల్సి ఉంది. కొప్పల వెలమ సామాజిక వర్గానికి చెందిన వాసంతి బీసీ-డీ కేటగిరీకి చెందుతారని సంబంధిత వర్గాలు పేర్కొంటున్నాయి. ఆమె బీఏ విద్యార్హతతో పాటు ఆయుర్వేద రంగానికి సంబంధించిన విద్యార్హత కలిగి ఉన్నట్లు సమాచారం. సామాజిక సేవా కార్యక్రమాల ద్వారా ప్రజలకు చేరువ కావాలనే ఆలోచనతో రాజకీయ ప్రస్థానానికి సిద్ధమవుతున్నారనే చర్చ సాగుతోంది. మున్సిపల్ చైర్‌పర్సన్ పదవి బీసీ మహిళకు కేటాయించడంతో ఆశావహులు తమ ప్రయత్నాలను ముమ్మరం చేస్తున్నారు. ఈ పరిణామాల నేపథ్యంలో జనసేన తరఫున కిలపర్తి వాసంతికి అవకాశం లభిస్తుందా? ఆమె పేరును పార్టీ పరిశీలిస్తుందా? అన్న అంశాలు ఆసక్తిని రేకెత్తిస్తున్నాయి. సాలూరు మున్సిపల్ ఎన్నికల నేపథ్యంలో పార్టీ అభ్యర్థుల ఎంపిక, స్థానిక రాజకీయ సమీకరణాలు, సామాజిక వర్గాల ప్రాతినిధ్యం కీలకంగా మారనున్నాయి. వాసంతి అభ్యర్థిత్వంపై స్పష్టత రావాలంటే జనసేన పార్టీ అధికారిక నిర్ణయం కోసం వేచి చూడాల్సిందే. Spread the love టపా నావిగేషన్ ఆపన్న కుటుంబానికి అండగా మాతృభూమి సేవా సంఘం.. మానవత్వమే తమ ధ్యేయమని చాటింపు!
