క్రమశిక్షణే విజయానికి తొలి మెట్టు.. ‘ముస్తాబు’తో విద్యార్థుల ఉజ్వల భవిష్యత్తుకు శ్రీకారం
చీపురుపల్లి నియోజకవర్గం (20.12.2025):
నేటి బాలలే రేపటి పౌరులు. వారు కేవలం చదువులోనే కాదు, క్రమశిక్షణ మరియు వ్యక్తిగత పరిశుభ్రతలోనూ ఆదర్శంగా ఉండాలనే సంకల్పంతో ఆంధ్రప్రదేశ్ ప్రభుత్వం ప్రవేశపెట్టిన ‘ముస్తాబు‘ కార్యక్రమం ఒక అద్భుతమైన ముందడుగు.
ఈరోజు చీపురుపల్లి రెసిడెన్షియల్ పాఠశాలలో ఎమ్మెల్యే శ్రీ కిమిడి కళావెంకటరావు గారు ఈ కార్యక్రమాన్ని ఘనంగా ప్రారంభించారు.
ఈ సందర్భంగా ఆయన విద్యార్థులతో మమేకమై, వారికి ఆరోగ్యం మరియు శుభ్రత పట్ల అవగాహన కల్పించారు.
స్వయంగా ఎమ్మెల్యే కళావెంకటరావు గారు విద్యార్థుల దగ్గరకు వెళ్లి, వారి గోళ్లు, జుట్టు మరియు దుస్తుల శుభ్రతను పరిశీలించి, తగు సూచనలు చేశారు.
నిత్యం స్నానం చేయడం, గోళ్లు కత్తిరించుకోవడం వంటి చిన్న చిన్న అలవాట్లే పెద్ద వ్యాధులను దూరం చేస్తాయని విద్యార్థులకు వివరించారు.
శుభ్రమైన ఉపాధి మరియు క్రమశిక్షణ కలిగిన జీవనశైలి విద్యార్థుల్లో ఆత్మవిశ్వాసాన్ని పెంచుతుందని పేర్కొన్నారు.
మన్యం జిల్లాలో విజయవంతమైన ఈ మోడల్ను రాష్ట్రవ్యాప్తంగా అమలు చేస్తున్న గౌరవ ముఖ్యమంత్రి శ్రీ నారా చంద్రబాబు నాయుడు గారికి, విద్యాశాఖ మంత్రి శ్రీ నారా లోకేష్ గారికి ఎమ్మెల్యే కళావెంకటరావు గారు ధన్యవాదాలు తెలిపారు.
చదువుతో పాటు క్రమశిక్షణ తోడైనప్పుడే విద్యార్థులకు సమాజంలో గౌరవం లభిస్తుంది. మన ప్రభుత్వ పాఠశాలల విద్యార్థులు రాష్ట్రానికే ఆదర్శంగా నిలవాలి. – శ్రీ కిమిడి కళావెంకటరావు గారు
ఈ కార్యక్రమంలో విద్యార్థుల ఉత్సాహం, ఉపాధ్యాయుల భాగస్వామ్యం ప్రతి ఒక్కరినీ ఆకట్టుకుంది.
