బొబ్బిలిలో 35 కుటుంబాలకు సీఎం సహాయనిధి భరోసా రూ.26.98 లక్షల విలువైన ఆర్థిక సాయం చెక్కుల పంపిణీ.. ఎమ్మెల్యే బేబీనాయన చేతుల మీదుగా లబ్ధిదారులకు అందజేత బొబ్బిలి: అనారోగ్యంతో చికిత్స పొందుతూ ఆర్థిక ఇబ్బందులు ఎదుర్కొంటున్న పేద కుటుంబాలకు ముఖ్యమంత్రి సహాయనిధి అండగా నిలిచింది. బొబ్బిలి నియోజకవర్గానికి చెందిన 35 మంది లబ్ధిదారులకు మొత్తం రూ.26,98,031 విలువైన ఆర్థిక సాయం మంజూరు కాగా, సంబంధిత చెక్కులను ఎమ్మెల్యే ఆర్.వీ.ఎస్.కే.కే. రంగారావు (బేబీనాయన) ఆదివారం బొబ్బిలి కోటలో లబ్ధిదారులకు అందజేశారు. ఆరోగ్య సమస్యల కారణంగా ఆసుపత్రుల్లో చికిత్స పొందిన కుటుంబాలకు సీఎం సహాయనిధి ద్వారా ఆర్థిక సహాయం అందించేందుకు చర్యలు తీసుకున్నట్లు ఎమ్మెల్యే తెలిపారు. ప్రభుత్వ సహాయంతో చికిత్సకు సంబంధించిన ఆర్థిక భారాన్ని కొంతమేర తగ్గించుకునే అవకాశం లబ్ధిదారులకు కలుగుతుందని పేర్కొన్నారు. ఈ సందర్భంగా ఎమ్మెల్యే బేబీనాయన మాట్లాడుతూ, ఆర్థికంగా వెనుకబడిన కుటుంబాలకు ప్రభుత్వం వివిధ సంక్షేమ కార్యక్రమాల ద్వారా అండగా నిలుస్తోందన్నారు. ముఖ్యమంత్రి నారా చంద్రబాబునాయుడు నేతృత్వంలోని కూటమి ప్రభుత్వం పేదల సంక్షేమం, ఆరోగ్య భద్రతకు ప్రాధాన్యత ఇస్తోందని తెలిపారు. నియోజకవర్గంలో అర్హులైన ప్రజలకు ప్రభుత్వ సంక్షేమ పథకాలు, సీఎం సహాయనిధి వంటి కార్యక్రమాల ద్వారా ప్రయోజనం అందేలా కృషి చేస్తామని ఎమ్మెల్యే పేర్కొన్నారు. చెక్కులు అందుకున్న లబ్ధిదారులు ప్రభుత్వానికి, ఎమ్మెల్యేకు కృతజ్ఞతలు తెలిపారు. Spread the love టపా నావిగేషన్ సతివాడలో రెపరెపలాడిన జనసేన జెండా.. శ్రేణుల్లో నూతనోత్సాహం సాలూరు ఆసుపత్రికి మంత్రి సంధ్యారాణి బాసట.. పేదల వైద్యానికి దాతల చేయూత
