కూటమి ప్రభుత్వ హయాంలో రాష్ట్రంలో అభివృద్ధి

PTR NAIDU చీపురుపల్లి

కూటమి ప్రభుత్వ హయాంలో రాష్ట్రంలో జరుగుతున్న అభివృద్ధి, సంక్షేమ కార్యక్రమాలపై చీపురుపల్లి ఎమ్మెల్యే, సీనియర్ నాయకులు శ్రీ కిమిడి కళా వెంకటరావు గారు మీడియా సమావేశంలో మాట్లాడారు. ఆ ప్రెస్ మీట్‌కు సంబంధించిన ముఖ్య వివరాలు:

గౌరవ ముఖ్యమంత్రి శ్రీ నారా చంద్రబాబు నాయుడు గారి నాయకత్వంలో అభివృద్ధి, సంక్షేమాలను రెండు కళ్ళుగా భావించి కూటమి ప్రభుత్వం ముందుకు సాగుతోంది. గతంలో ఎన్నడూ లేని విధంగా ప్రజల్లో ప్రభుత్వం పట్ల స్పష్టమైన సంతృప్తి కనిపిస్తోంది.

దేశవ్యాప్తంగా వచ్చిన మొత్తం పెట్టుబడులలో దాదాపు 23 శాతం వాటా కేవలం ఆంధ్రప్రదేశ్ రాష్ట్రానికే దక్కడం శుభపరిణామం. చంద్రబాబు నాయుడు గారి అనుభవం, పారిశ్రామికవేత్తల్లో ఆయనకున్న నమ్మకమే దీనికి కారణం. గత ఐదేళ్ల పాలనలో పరిశ్రమలు పక్క రాష్ట్రాలకు తరలిపోయిన పరిస్థితిని మార్చి, నేడు మళ్లీ పారిశ్రామిక ప్రగతికి బాటలు వేశాం.

ఐటీ, విద్యాశాఖ మంత్రి శ్రీ నారా లోకేష్ గారి చొరవతో ప్రభుత్వ హాస్టళ్లలో విద్యార్థులకు సన్నబియ్యంతో నాణ్యమైన భోజనం అందిస్తున్నాం. విద్యార్థులకు అందజేసే యూనిఫామ్స్, బ్యాగులు, పుస్తకాల నాణ్యతను గణనీయంగా పెంచడం జరిగింది.

యువత ఉపాధి కోసం ప్రభుత్వం ఏర్పడిన వెంటనే 16 వేల పోస్టులతో మెగా డీఎస్సీని ప్రకటించాం. అలాగే 6,000 పైగా పోలీసు ఉద్యోగాల భర్తీతో పాటు గ్రూప్ నియామకాల ప్రక్రియను వేగవంతం చేశాం.

మహిళలకు కల్పించిన ఉచిత బస్సు సౌకర్యం ద్వారా ఇప్పటివరకు 9 కోట్ల మందికి పైగా ప్రయాణించారు.
అన్న క్యాంటీన్లు: పేదల ఆకలి తీర్చడానికి అన్న క్యాంటీన్లను విజయవంతంగా పునఃప్రారంభించాం.

గత ప్రభుత్వం ఐదేళ్ల కాలయాపన చేసిన పెన్షన్ పెంపును.. కూటమి ప్రభుత్వం వచ్చిన వెంటనే రూ. 4,000కి పెంచడమే కాకుండా, వెనుకబడిన మూడు నెలల బకాయిలతో కలిపి ఒకేసారి రూ. 7,000లు అందించి వృద్ధులకు, పేదలకు అండగా నిలిచాం.

ఒకే ఇంట్లో ఎంతమంది పిల్లలు ఉన్నా అర్హులైన ప్రతి విద్యార్థి తల్లి ఖాతాలో ఆర్థిక సహాయం అందించడానికి ప్రభుత్వం చర్యలు చేపట్టింది.

గత ప్రభుత్వం రైతులకు సక్రమంగా పెట్టుబడి సహాయం అందించడంలో విఫలమవగా, ప్రస్తుత కూటమి ప్రభుత్వం వ్యవసాయ రంగాన్ని ప్రోత్సహిస్తూ రైతులకు అన్ని విధాలా అండగా నిలవడానికి కట్టుబడి ఉంది.

విపక్షాలు ప్రభుత్వంపై చేస్తున్న బురదజల్లే ప్రయత్నాలను ప్రజలు గమనిస్తున్నారని, రాష్ట్ర సమగ్ర అభివృద్ధికి, సంక్షేమానికి కూటమి ప్రభుత్వం కట్టుబడి ఉందని శ్రీ కిమిడి కళా వెంకటరావు గారు స్పష్టం చేశారు.