పార్వతీపురం మన్యం జిల్లాలో సంఘవిద్రోహ కార్యకలాపాల,అవాంఛనీయ ఘటనలు జరగకుండా ముందస్తు కట్టడి

పార్వతీపురం మన్యం జిల్లాలో సంఘవిద్రోహ కార్యకలాపాల,అవాంఛనీయ ఘటనలు జరగకుండా ముందస్తు కట్టడికి  జిల్లా వ్యాప్తంగా విస్తృత తనిఖీలు నిర్వహిస్తున్న జిల్లా పోలీసులు*.
ప్రజల భద్రత, శాంతి భద్రతల పరిరక్షణే ద్యేయంగా ఆకస్మికంగా తనిఖీలు నిర్వహించిన పార్వతీపురం పట్టణం , సాలూరు పట్టణం పోలీసులు జిల్లాలో భద్రతా చర్యలలో  భాగంగా డాగ్ స్క్వాడ్ మరియు బిడి టీం సిబ్బందితో విస్తృత తనిఖీలు చేశారు.

పార్వతీపురం మన్యం జిల్లా ఎస్పీ శ్రీ ఎస్.వి.మాధవ్ రెడ్డి,ఐపిఎస్*  ఆదేశాల మేరకు పార్వతీపురం పట్టణం , సాలూరు పట్టణం పోలీస్ స్టేషన్ల పరిధిలోని రైల్వే స్టేషన్లు, బస్ స్టాండ్ లు, ప్రార్ధనా మందిరాలు, పార్సెల్ కేంద్రాలు, సినిమా హాల్స్, మార్కెట్స్, కళ్యాణమండపాలు, జనసంచారం ఉన్న పార్కులు పలు చోట్ల డాగ్ స్క్వాడ్,బిడి టీం సిబ్బంది సహాయంతో పోలీస్ అధికారులు,సిబ్బంది  *ఫిబ్రవరి 22న* అనుమానాస్పద వస్తువులను , బాంబ్ డిస్పోజల్ (బిడి) టీం సిబ్బంది ప్రత్యేక పరికరాలతో తనిఖీలు నిర్వహించారు. ప్రజల్లో భద్రతాభావం కల్పించడం మరియు ఎలాంటి అపరిచిత ఘటనలు జరగకుండా ముందస్తు చర్యలలో భాగంగా విస్తృత తనిఖీలు చేపట్టారు. 

1) *విధ్వంస నిరోధక తనిఖీలు* :– రైల్వే స్టేషన్లు,బస్టాండ్లు, ఆటో స్టాండ్లు, మార్కెట్లు, వాణిజ్య సముదాయాలు, జన సమూహాలు ఎక్కువగా ఉండే ప్రదేశాల్లో , పార్సిల్స్, లగేజ్లను, డాగ్ స్క్వాడ్ సాయంతో అనుమానాస్పద వస్తువులు, వాహనాలు మరియు సంచులను పరిశీలించారు. బిడి టీం ఆధునిక పరికరాలతో ప్రదేశాలను తనిఖీ చేసి ఎలాంటి పేలుడు పదార్థాలు లేకుండా అవాంఛనీయ ఘటనలు జరగకుండా ముందస్తు కట్టడిలో భాగంగా ఆకస్మిక తనిఖీలు నిర్వహించారు.

2) *అనుమానితుల కోసం ఆకస్మిక తనిఖీలు* :– ఎవరైనా అనుమానితులు/నిందితుల జాడ తెలుసుకోవడం కోసం బస్టాండ్లు రైల్వే స్టేషన్లు ఇతర జన సమూహాలు ఎక్కువగా ఉండే ప్రదేశాల్లో ఆకస్మిక తనిఖీలు నిర్వహించడం జరిగింది.అనుమానితులు/ పాత నేరస్తులు/ కొత్త వ్యక్తులు / ప్రదేశాలకు – పరిస్థితులకు సంబంధం లేని వ్యక్తులు ఎవరైన ఉంటే వారు అక్కడ ఎందుకు ఉన్నారు…?, ఎక్కడ నుండి వచ్చారు…?ఎక్కడికి వెళ్తున్నారు..?, ఏ పని కోసం వెళ్తున్నారు…?, ఎవర్ని కలవడానికి వెళ్తున్నారు…?, ప్రస్తుతం ఎక్కడ వుంటున్నారు..? వంటి పలు కోణాల్లో విచారిస్తూ తనిఖీలు నిర్వహిచారు.

ఈ విధంగా  జిల్లా వ్యాప్తంగా భద్రతా ప్రమాణాలను కట్టుదిట్టం చేస్తూ పలు చోట్ల ఆకస్మిక తనిఖీలు నిర్వహించి, అనుమానితులను పరిశీలించడం జరిగిందని ప్రజలు కూడా ఎవరైనా వ్యక్తులు అనుమానాస్పదంగా/ కొత్తగా కనిపించినా వెంటనే స్థానిక పోలీస్ వారి దృష్టికి గానీ, 112 నంబర్ ద్వారా పోలీస్  వారికి గానీ సమాచారం అందించాలని జిల్లా ఎస్పీ ఎస్.వి.మాధవ్ రెడ్డి,ఐపిఎస్  సూచించారు.