సాలూరు: విద్యార్థులు ఆరోగ్యంగా ఉంటేనే చదువుపై పూర్తిస్థాయిలో దృష్టి సారించగలరని మంత్రి సంధ్యారాణి అన్నారు. విద్యతో పాటు పిల్లల ఆరోగ్యం, పరిశుభ్రతకు సమాన ప్రాధాన్యం ఇవ్వాల్సిన అవసరం ఉందని పేర్కొన్నారు. సాలూరు పట్టణంలోని వేదసమాజం జిల్లా పరిషత్ సాంస్కృతోన్నత పాఠశాలలో నిర్వహించిన జాతీయ డీ-వార్మింగ్ కార్యక్రమంలో ఆమె పాల్గొన్నారు. ఈ సందర్భంగా విద్యార్థులకు నులిపురుగుల నివారణపై అవగాహన కల్పించారు. పేగుల్లో నులిపురుగులు ఉంటే శరీరానికి అవసరమైన పోషకాలు సక్రమంగా అందకపోవచ్చని, దాంతో బలహీనత, రక్తహీనత, ఆకలి తగ్గడం, కడుపునొప్పి వంటి సమస్యలు ఎదురయ్యే అవకాశం ఉందని తెలిపారు. చిన్నారుల్లో శారీరక ఎదుగుదల, చదువుపై ఏకాగ్రత కూడా ప్రభావితమయ్యే అవకాశం ఉందని వివరించారు. నులిపురుగుల నివారణ కోసం ప్రభుత్వం నిర్వహిస్తున్న డీ-వార్మింగ్ కార్యక్రమాన్ని ప్రతి ఒక్కరూ సద్వినియోగం చేసుకోవాలని మంత్రి సూచించారు. ఒక సంవత్సరం నుంచి 19 సంవత్సరాల వయస్సు వరకు అర్హులైన పిల్లలు, యువతకు అంగన్వాడీ కేంద్రాలు, ప్రభుత్వ పాఠశాలల ద్వారా అల్బెండజోల్ 400 మి.గ్రా. మాత్రలను ఉచితంగా అందిస్తున్నట్లు తెలిపారు. ఆరోగ్య సిబ్బంది, ఉపాధ్యాయులు సూచించే విధానంలోనే మాత్రలను తీసుకోవాలని సూచించారు. పరిశుభ్రతే ఆరోగ్యానికి తొలి మెట్టు నులిపురుగుల నివారణ కేవలం మందులతోనే కాకుండా పరిశుభ్రమైన జీవనశైలితోనూ సాధ్యమవుతుందని మంత్రి పేర్కొన్నారు. విద్యార్థులు బయటకు వెళ్లేటప్పుడు తప్పనిసరిగా చెప్పులు ధరించాలని, గోళ్లను క్రమం తప్పకుండా కత్తిరించుకోవాలని సూచించారు. భోజనం చేసే ముందు, మరుగుదొడ్డిని ఉపయోగించిన తర్వాత చేతులను సబ్బుతో శుభ్రంగా కడుక్కోవాలని తెలిపారు. శుభ్రమైన నీటిని తాగడం, పరిశుభ్రమైన ఆహారం తీసుకోవడం, పరిసరాలను పరిశుభ్రంగా ఉంచుకోవడం వంటి అలవాట్లను చిన్ననాటి నుంచే అలవరుచుకోవాలని విద్యార్థులకు సూచించారు. తాము పాటించడంతో పాటు కుటుంబ సభ్యులు, స్నేహితులకు కూడా ఆరోగ్యకరమైన అలవాట్లపై అవగాహన కల్పించాలని కోరారు. విద్యతో పాటు ఆరోగ్యానికి ప్రాధాన్యం విద్యార్థులకు నాణ్యమైన విద్య అందించడంతో పాటు వారు ఆరోగ్యంగా ఎదిగేలా అవసరమైన కార్యక్రమాలను ప్రభుత్వం అమలు చేస్తోందని మంత్రి సంధ్యారాణి తెలిపారు. పాఠశాల స్థాయిలోనే ఆరోగ్యంపై అవగాహన పెంపొందించడం ద్వారా భవిష్యత్ తరాల్లో మంచి జీవనశైలికి పునాది వేయవచ్చని పేర్కొన్నారు. కార్యక్రమంలో పాఠశాల ఉపాధ్యాయులు, విద్యార్థులు, ఆరోగ్య సిబ్బంది, సంబంధిత అధికారులు పాల్గొన్నారు. Spread the love టపా నావిగేషన్ తుఫాను దెబ్బకు సాలూరు విలవిల.. నష్టాలపై మంత్రి సంధ్యారాణి క్షేత్ర పరిశీలన అక్షరాల నుండి అభినయం వరకూ.. హిందీలో మెరిసిన వల్లాపురం విద్యార్థులు
