పారమ్మ తల్లి రూపంలో విఘ్నేశ్వరుడు.. భక్తులకు కనువిందు చేస్తున్న అద్భుత మట్టి విగ్రహం సాలూరు: వినాయక చవితి సందర్భంగా సాలూరులో రూపొందించిన ఓ ప్రత్యేక గణపతి విగ్రహం భక్తులను, చూపరులను విశేషంగా ఆకట్టుకుంటోంది. సాలూరు, ఒడిశా పరిసర ప్రాంతాల ప్రజలకు ఎంతో ఆరాధ్యదైవమైన కోరికలు తీర్చే కల్పవల్లి శ్రీ పారమ్మ తల్లి రూపంలో గణపతి స్వరూపాన్ని వినూత్నంగా తీర్చిదిద్దారు. పారమ్మ తల్లి రూపాన్ని ప్రతిబింబించేలా గణపతి విగ్రహాన్ని రూపొందించడం భక్తుల్లో ప్రత్యేక ఆసక్తిని కలిగిస్తోంది. సాధారణ గణపతి విగ్రహాలకు భిన్నంగా భక్తి భావన, సంప్రదాయ ఆధ్యాత్మికత ఉట్టిపడేలా ఈ విగ్రహాన్ని అందంగా మలిచారు. విగ్రహాన్ని చూసేందుకు స్థానికులు ఆసక్తి చూపుతున్నారు. మట్టితోనే విగ్రహాన్ని తయారు చేయడం మరో ప్రత్యేకతగా నిలిచింది. పర్యావరణ పరిరక్షణకు అనుకూలంగా మట్టి గణపతిని రూపొందించడంపై ప్రకృతి ప్రేమికులు హర్షం వ్యక్తం చేస్తున్నారు. పారమ్మ తల్లి భక్తులు సైతం ఈ వినూత్న ఆలోచనను అభినందిస్తున్నారు. వినాయక చవితి రోజున సాలూరులో ఈ ప్రత్యేక విగ్రహాన్ని ప్రతిష్ఠించనున్నారు. విఘ్నాలను తొలగించే వినాయకుడిని.. కోరిన కోర్కెలు తీర్చే పారమ్మ తల్లి రూపంలో దర్శించుకునే అవకాశం కలగడంతో భక్తుల్లో ఆనందం నెలకొంది. ఈ ప్రత్యేక మట్టి గణపతి విగ్రహం ఈ ఏడాది వినాయక చవితి వేడుకల్లో ప్రత్యేక ఆకర్షణగా నిలవనుంది. Spread the love టపా నావిగేషన్ బేబీ నాయన చేతుల మీదుగా పారాది లో సాఫ్ట్ బాల్ క్రీడా సందడి
